Table of Contents
Great mohsin naqvi poetry in Urdu text
سفر تنہا نہیں کرتے اردو زبان کے عظیم شاعر سید محسن نقوی 10 مئی 1947 کو ڈیرہ غازی خان پنجاب میں پیدا ہوئے۔ ان کے والد، سید چراغ حسین شاہ ایک کاٹھی بنانے والے اور کھانا فروش تھے۔ ان کے والدین نے ان کا نام غلام عباس رکھا جسے بعد میں بدل کر غلام عباس محسن نقوی رکھ دیا۔ نقوی کے چھ بہن بھائی تھے۔انہوں نے گورنمنٹ کالج ملتان سے گریجویشن کیا اور پنجاب یونیورسٹی لاہور سے ماسٹر کی ڈگری حاصل کی۔
وہ شاعر اہل بیت کے نام سے مشہور ہوئے۔ کربلا کے بارے میں ان کی شاعری پورے پاکستان میں پڑھی جاتی ہے۔
وہ شیعہ مسلم کمیونٹی کے ایک سرگرم رکن تھے اور ان کے قتل کی وجہ بھی یہی شمار کی جاتی ہے ۔ انہوں نے “اقبال ثانی” کا خطاب حاصل کیا۔ انہوں نے ڈیرہ غازی خان میں شاعر رفیق خاور جسکانی سے شاعری کی بنیادی تعلیم حاصل کی۔
ان کی شاعری میں الف لیلیٰ قسم کی محبت شامل تھی۔ انہوں نے دنیا کے ان حکمرانوں کے خلاف بھی لکھا جو اپنے لوگوں کی پرواہ نہیں کرتے۔ انہوں نے ایک فلم بازارِ حسن کے لیے ایک گیت “لہروں کی طرح تجھے بکھرنے نہیں دیں گے” لکھا اور گیت نگار کے طور پر بہترین فلم کا ایوارڈ جیتا۔
انہیں 15 جنوری 1996 کو لاہور کے مین بازار میں قتل کر دیا گیا۔ قاتلوں نے انہیں 40 گولیاں ماریں اور اس وقت ان کی عمر 49 سال تھی۔ ان کی میت کو ان کے آبائی گھر بلاک 45 ڈیرہ غازی خان منتقل کیا گیا جہاں انہیں ہزاروں سوگواروں کی موجودگی میں سپرد خاک کر دیا گیا۔ محسن نقوی کی قبر کربلا شریف ڈیرہ غازی خان میں کتبے پر لکھے ان کے آخری الفاظ یہ تھے،
لے زندگی کا خمس علی کے غلام سے
اے موت آ ضرور مگر احترام سے
عاشق ہون اگرذرا بھی اذیت ہوئی
شکوہ کروں گا تیرا میں اپنے امام سے
ذیل میں سید محسن نقوی مرحوم کی متخب شاعری کا انتخاب پیش کیا جا رہا ہے .امید ہے کہ ان کےچاھنے والوں کو یہ کوشش پسند آئے گی
mohsin naqvi poetry urdu
mohsin naqvi poetry in urdu text
سنو ایسا نہیں کرتے
جسے شفاف رکھنا ہو
اُسے میلا نہیں کرتے
تیری آنکھیں اِجازت دیں
تو ہم کیا نہیں کرتے
بہت اُجڑے ہوئے گھر پر
بہت سوچا نہیں کرتے
سفر جس کا مقدر ہو
اُسے روکا نہیں کرتے
جو مِل کے کھو جائے
اُسے رسوا نہیں کرتے
چلو تم راز ہو اپنا
تمہیں افشا نہیں کرتے
یہ پَر کیسے ہیں
کہیں سایہ نہیں کرتے
کبھی ہنسنے سے ڈرتے ہو
کبھی رویا نہیں کرتے
جو دُھن ہو گر گزرنے کی
تو پھر سوچا نہیں کرتے
تیری آنکھوں کو پڑھتے ہیں
تجھے دیکھا نہیں کرتے
سحر سے پوچھ لو محسنٓ
کہ ہم سویا نہیں کرتے
رہینِ خوف نہ وقفِ ہراس رہتا ہے
مگر یہ دل ہے کہ اکثر اُداس رہتا ہے
یہ سانولی سی فضائیں یہ بے چراغ نگر !
یہیں کہیں وہ ستارہ شناس رہتا ہے
اُسی کو اوڑھ کے سوتی ہے رات خود پہ مگر
وہ چاندنی کی طرح بے لباس رہتا ہے
میں کیا پڑھوں کوئی چہرہ کہ میری آنکھوں میں
تیرے بدن کا کوئی اقتباس رہتا ہے
کہاں بھلائیے اُس کو کہ وہ بچھڑ کے سدا
خیال بن کے محیط حواس رہتا ہے
بھٹک بھٹک کے اسے ڈھونڈتے پھرو محسن
وہ درمیان یقین و قیاس رہتا ہے
معرکہ اب کے ہوا بھی تو پھر ایسا ہوگا
تیرے دریا پہ مری پیاس کا پہرہ ہوگا
اس کی آنکھیں ترے چہرے پہ بہت بولتی ہیں
اس نے پلکوں سے ترا جسم تراشا ہوگا
کتنے جگنو اسی خواہش میں مرے ساتھ چلے
کوئی رستہ ترے گھر کو بھی تو جاتا ہوگا
میں بھی اپنے کو بھلائے ہوئے پھرتا ہوں بہت
آئنہ اس نے بھی کچھ روز نہ دیکھا ہوگا
رات جل تھل مری آنکھوں میں اتر آیا تھا
صورت ابر کوئی ٹوٹ کے برسا ہوگا
یہ مسیحائی اسے بھول گئی ہے محسنؔ
یا پھر ایسا ہے مرا زخم ہی گہرا ہوگا
تجھے رسوائی کا ڈر ہے نہ آیا کر
بچھڑ جانا ہے بہتر ہے نہ آیا کر
کسی شاداب قریے میں بسا خود کو
یہ دل اجڑا ہوا گھر ہے نہ آیا کر
میرا دُکھ اک دن تجھ کو بھی ڈبو دیگا
بُہت گہرا سمندر ہے نہ آیا کر
گزر جا آئینے جیسا بدن لے کر
یہاں ہر آنکھ پتھر ہے نہ آیا کر
گزرتے ابر کی بھیگی ہوئی بخشش
زمین صدیوں سے بنجر ہے نہ آیا کر
پلٹ جا اجنبی وھموں کے جنگل سے
یہ پر اسرار منظر ہے نہ آیا کر
بکھرتی ریت کیا ڈھانپے گی سر تیرا
وہ خود بوسیدہ چادر ہے نہ آیا کر
خوشی کے رت میں محسن کو منا لینا
یہ فصل دیدہ تر ہے.نہ آیا کر
بھول جانا بھی اسے یاد بھی کرتے رہنا
اچھا لگتا ہے اسی دھن میں بکھرتے رہنا
ہجر والوں سے بڑی دیر سے سیکھا ہے ہم نے
زندہ رہنے کے لئے جاں سے گزرتے رہنا
کیا کہوں کیوں میری نیندوں میں خلل ڈلتا ہے
چاند کے عکس کا پانی میں اترتے رہنا
میں اگر ٹوٹ بھی جاؤں تو پھر آئینہ ہوں
تم میرے بعد بہر طور سنورتے رہنا
گھر میں رہنا ہے تو بکھرے ہوئے سائے چن کر
زخم دیوار و بام کے بھرتے رہنا
شام کو ڈوبتے سورج کی ہے عادت محسنؔ
صبح ہوتے ہی میرے ساتھ ابھرتے رہنا
محبتوں میں ہوس کے اسیر ہم بھی نہیں
غلط نہ جان کہ اتنے حقیر ہم بھی نہیں
نہیں ہو تم بھی قیامت کی تُندوتیز ہوا
کسی کے نقشِ قدم کی لکیر ہم بھی نہیں
ہماری ڈوبتی نبضوں سے زندگی تو نہ مانگ
سخی تو ہیں مگر اتنے امیر ہم بھی نہیں
کرم کی بھیک نہ دے، اپنا تخت بخت سنبھال
ضرورتوں کا خُدا تُو ہےتو فقیر ہم بھی نہیں
ہمیں بُجھا دے، ہماری اَنا کو قتل نہ کر
کہ بے ضررہی سہی، بے ضمیر ہم بھی نہیں