Shakir Shuja Abadi | شاکر شجاع آبادی کی شاعری | سرائیکی شاعری

شاکر شجاع آبادی ہمارے ملک کا ایک قیمتی اثاثہ ہیں بچپن سے ہی معذوری کا شکار شاکر سرائیکی شاعری کے آسمان کا چمکتا چاند ہیں - ان کی شاعری سماج کے سلگتے ہوئے مسائل کا احاطہ کرتی ہے .شاکر شجاع آبادی سےکسی  نےسوال کیا کہ زندگی میں اتنےدکھ  دیکھے,معذور بھی ہیں,بول بھی ٹھیک سےنہیں سکتے,غربت بھی کاٹی,کیا اسکا غم ہے آپکو؟ تو شاکر بولے

ایتھاں جو بھوگ بھوگے ہِن

اُتھاں کوئی جزا مِلسی

تھکیڑے سارے لہہ ویسن

نبیؐ مِلسی خدا مِلسی

سرائیکی شاعری شاکر

اس مضمون میں ہم نے شاکر شجاع آبادی کی چند بہترین غزلیں لکھی ہیں جن کو پڑھ کر سر دھنیں شکریہ

چمن آباد رکھ باد صبا جانے ، خدا جانے

توں محنت کر تے محنت دا صلہ جانے خدا جانے

توں ڈیوا بال کے رکھ چا ، ہوا جانے خدا جانے

خزاں دا خوف تاں مالی کوں بزدل کر نئی سگدا

چمن آباد رکھ باد صبا جانے ، خدا جانے

مریض عشق خود کوں کر ،دوا دل سمجھ دلبر

مرض جانے ، دوا جانے ،شفا جانے ، خدا جانے

جے مر کے زندگی چہندیں ،فقیری ٹوٹکا سن گھن

وفا دے وچ فنا تھی ونج ، بقا جانے ، خدا جانے

اے پوری تھیوے نہ تھیوے ، مگر بے کار نئیں ویندی

دعا شاکر توں منگی رکھ  ،دعا جانے ، خدا جانے

کتھائیں ملا دی ہٹی تے کتھائیں پیراں دے شوکیس اچ

خدایا خود حفاظت کر تیڈا فرمان وکدا پے

کتھائیں ہے دین دا سودا کتھائیں ایمان وکدا پے

کتھائیں ملا دی ہٹی تے کتھائیں پیراں دے شوکیس اچ

میڈا ایمان بدلیا نئیں  ، مگر قران وکدا پے

اتھاں لیڈر وپاری ہن ، سیاست کارخانہ ہے

اتھاں ممبر وکاو مال ہن ، اتھاں ایوان وکدا پے

میڈے ملک اچ خدا ڈالر ، میڈے ملک اچ نبی پیسہ

اتھاں ایمل نہ کوئی آوے ،اتھاں مہمان وکدا پے

نئی ساہ دا کوئی وساہ شاکر ، ولا وی کیوں خدا جانے

ترقی دی ہوس دے وچ ، ہر ایک انسان وکدا پے

خدا تاں معاف کر ڈیندے ، خدائی مار ڈیندی ہے 

برائی جے جہیں ہووے ، برائی مار ڈیندی ہے

خدا تاں معاف کر ڈیندے ، خدائی مار ڈیندی ہے

جے  نیت  ٹھیک نہ  ہووے  نماز عشق نہ  نیتو

ڈیکھاوے  دی ہمیشہ  پارسائی  مار  ڈیندی  ہے

جفا جتنی کرے دنیا ،سجن  کھل  تے نبھا ویسوں

نہ تھیویں بے وفا جو بے وفائی مار  ڈیندی  ہے

سجن توں جاندا تاں ہئیں ہجر وچ کیا حشر تھیندے

جدائی  جان  کے  نہ ڈے  جدائی مار  ڈیندی ہے

ایہ شہرت  نام  عزت  خدا  دی  مہربانی   ہئی

وڈائی  چھوڑ  دے  شاکر  وڈائی مار  ڈیندی ہے

بے ضمیری دی بلا غیرت دا بوٹا چا گئی

تھی گیا جو کھوکھلا ایمان مسلمان دا

ساتھ ڈیون چھوڑ گئے رحمان مسلمان دا

بے ضمیری دی بلا غیرت دا بوٹا چا گئی

نت کرے انسانیت ارمان مسلمان دا

ڈے گیا خود ساختہ انجیل مسلمان کوں

چا گیا انگریز ہے قران مسلمان دا

خانہ کعبہ دی کمائی وی غیر مسلم کھا گیا

ہتھوں محسن بن گیا ہئی مان  مسلمان دا

جیں کیتے پیارے نبی رو رو دعائیں منگدے رہیے

بن گیا ہے پشوا شیطان  مسلمان دا

آخرت دا تھی گیا الٹا نظام ہے دوستو

منتظر ہے دوزخی دربان  مسلمان دا

ایہ عمل دا ہے نتیجہ کہیں دا شاکر کیا قصور

کافراں دا ہے خدا ،بھگوان  مسلمان دا 

تیڈی کھل دے عاشق لوکیں دی 

تیکوں کئیں آکھیں تیکوں بھل گئے ہیں

دلدار بھلاونڑ سوکھا نئیں

تیڈی جھنڑک بھلاونڑ سوکھی ہے

تیڈا پیار بھلاونڑ سوکھا نئیں

تیڈی کھل دے عاشق لوکیں دی

مسکار بھلاونڑ سوکھا نئیں

اساں شاکر آپ کوں بھل ویسوں

پر یار بھلاونڑ سوکھا نئی 

رزق دی تقسیم تے ہک وار ول ، کجھ غور کر 

میں سنڑیندا  دل توں نکلی ہوئی غزل . کجھ  غور کر

مہربانی اے خداے لم یز ،. کجھ غور کر

کہیں دے کتے کھیر پیون کہیں دے بچے بکھہ مرن

رزق دی تقسیم تے ہک وار ول ، کجھ غور کر

جاہلاں وچ نفرتاں دا بج کھنڈایا جو شیطان

عالماں وچ پکدی پئی اے او فصل ، کجھ غور کر

غیر مسلم ہے اگر مظلوم کوں  تاں  چھوٹ دے

ایہہ جہنمی فیصلہ نہ کر اٹل ، کجھغور کر

کون ہن جو فی سبیل الله دا نعرہ مار  کے

انتقاما پے کریندے ہن قتل ، کجھ غور کر

چپے چپے کربلا ہے کونے کونے تے یزید

کتنے خیمے جگ تے ویندن روز جل ، کجھ غور کر

کون مومن ، کون کافر ، کون شاکر رہ گیا

حکو جیہاں ساریاں دا ہے عمل ، کجھ غور کر

شراب دا رنگ لال کیوں اے ، کباب دے وچ اے ماس کیندا

غریب کوں کئیں غریب کیتے ، امیرزادو جواب ڈیوو

ضرورتاں دا حساب گھنو ، عیاشیاں دا حساب ڈیوو

سخاوتاں دے سنہرے پانڑیں ، دے نال جیہڑے مٹا ڈتے نیں

او لفظ موئے بھی بول پوسن ، شرافتاں دی کتاب ڈیوو

شراب دا رنگ لال کیوں اے ، کباب دے وچ اے ماس کیندا

شباب کیندا ہے ، کئیں اُجاڑے حساب کر کے جناب ڈیوو

زیادہ پھلدا اے کالا جیکوں ، خرید گھن دا اے اوہو کرسی

الیکشناں دا ڈرامہ کر کے ، عوام کوں نہ عذاب ڈیوو

قلم اے منکر نکیر شاکر ، جتھاں وی لکسو اے تاڑ گھن سی

غلاف کعبے دا چھک کے بھانوں ، ناپاک منہ تے نقاب ڈیوو

یہ بھی پڑھیں 

شاکر شجاع آبادی کی مشہور سرائیکی پنجابی شاعری

شاکر شجاع آبادی کی مشہور شاعری - سرائیکی شاعری